ମୋହନା(ମିହିର ପ୍ରସାଦ ମାଳୀ): ଗଜପତିଜିଲ୍ଲା ମୋହନା ସ୍ଥିତ ହିଲ୍ ଟପ୍ ସ୍ନାତକ ମହାବିଦ୍ୟାଳୟ ପରିସରରେ ଉଭୟ ଯୁକ୍ତ ଦୁଇ ଓ ଯୁକ୍ତ ତିନି ବିଦ୍ୟାର୍ଥୀମାନଙ୍କ ବାର୍ଷିକ କ୍ରୀଡ଼ା ଉତ୍ସବ ୨୬/୧୧ରେ ଅନୁଷ୍ଠିତ ହୋଇ ୨୭/୧୧ରେ ସମାପନ ହୋଇଯାଇଛି । ଏହି କ୍ରୀଡା ଉତ୍ସବର ପ୍ରାରମ୍ଭ ଦିବସରେ ମହାବିଦ୍ୟାଳୟର ଛାତ୍ରମାନେ ସ୍ଥାନୀୟ ଅଧିଷ୍ଠାତ୍ରୀ ମା’ ମାଣିକେଶ୍ବରୀ ମନ୍ଦିରଠାରୁ ଏକ ମଶାଲ ଶୋଭାଯାତ୍ରାରେ ବାହାରି ମୋହନା ବଜାର ପରିକ୍ରମା କରି କଲେଜ ପରିସରରେ ପହଞ୍ଚିଥିଲେ । ଏହି ଉତ୍ସବକୁ ଯୁକ୍ତ ଦୁଇ ଅଧ୍ୟକ୍ଷ ସିମାଞ୍ଚଳ ସାହୁ ଓ ଯୁକ୍ତ ତିନି ଅଧ୍ୟକ୍ଷ ଶୁଭ୍ରକାନ୍ତ ମହାନ୍ତି ଉଦ୍ଘାଟନ କରିଥିଲେ । ଦୁଇଦିନ ଧରି ଚାଲିଥିବା ଏହି ଉତ୍ସବର ଉଦଯାପନୀ ଦିବସରେ ଅଧ୍ୟକ୍ଷ ସିମାଞ୍ଚଳ ସାହୁ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବେ ମୋହନା ଗୋଷ୍ଠି ଶିକ୍ଷାଧିକାରୀ ନରେନ୍ଦ୍ର କୁମାର ବେହେରା ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ । ଯୁକ୍ତ ତିନିର ଅଧ୍ୟକ୍ଷ ଶୁଭ୍ରକାନ୍ତ ମହାନ୍ତି ବିଭିନ୍ନ ପ୍ରତିଯୋଗିତାରେ ଭାଗ ନେଇଥିବା କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରିଥିଲେ । ଏହି କ୍ରୀଡା ଉତ୍ସବକୁ ଇଁରାଜୀ ଅଧ୍ୟାପକ ଏସ. ରମେଶ, ଗ୍ରନ୍ଥାଗାର ରକ୍ଷକ ଗୋପାଳ ପଟ୍ଟନାୟକ, ବରିଷ୍ଠ ଅଧ୍ୟାପକ ଭଗବାନ ବିଷୋୟୀ, ପ୍ରଣାବାନନ୍ଦ ପାଟଯୋଶୀ, ମନୋରଞ୍ଜନ ପାଣିଗ୍ରାହୀ, ସୁଖବିନ୍ଦର ସିଂ, ସନ୍ତୋଷ କୁମାର ନନ୍ଦ, ରୀତା କୁମାରୀ ଶତପଥୀ, ସ୍ୱୟଂପ୍ରଭା ସାହୁ, ନୀଳାଞ୍ଚଳ ରଥ, କିରାନି କାମାକ୍ଷା ପ୍ରସାଦ ପଟ୍ଟନାୟକଙ୍କ ସମେତ ସମସ୍ତ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
