ସୁନ୍ଦରଗଡ(ଦେବେନ୍ଦ୍ର କୁମାର ଭିତ୍ରିଆ): କେନ୍ଦୁଝର ଜିଲ୍ଳା ସଦର ବ୍ଲକ ଶଙ୍କରପୁର ସ୍ଥିତ ଧରଣୀଧର ସ୍ପୋର୍ଟସ କମ୍ପ୍ଲେକ୍ସରେ ଓ ଓଡ଼ିଶା ରାଜ୍ୟ ବିଦ୍ୟାଳୟ ସଙ୍ଗଠନ ଓ ଜିଲ୍ଲା ବିଦ୍ୟାଳୟ କ୍ରୀଡ଼ା ସଂଗଠନ କେନ୍ଦୁଝର ଦ୍ଵାରା ଆୟୋଜିତ ୬୮ ତମ ଓଡ଼ିଶା ରାଜ୍ୟ ସ୍ତରୀୟ ବିଦ୍ୟାଳୟ ସମୁହ ଦୌଡ଼କୁଡ଼ ପ୍ରତିଯୋଗିତା ନଭେମ୍ୱର ୧୦ ରୁ ୧୩ ତାରିଖ ପର୍ଯ୍ୟନ୍ତ ଚାରି ଦିନ ଧରି ଅନୁଷ୍ଠିତ ହୋଇଯାଇଛି l ଏହି ପ୍ରତିଯୋଗିତାରେ ସୁନ୍ଦରଗଡ ଜିଲ୍ଲା ମୋଟ ୩୨ଟି ପଦକ ପାଇଥିବା ବେଳେ ୩ଟି ସ୍ବର୍ଣ୍ଣ, ୧୫ଟି ରୌପ୍ୟ ଓ ୧୪ଟି କାଂସ୍ୟ ପଦକ ପାଇଥିବା ସହିତ ୧୪ ବର୍ଷରୁ କମ୍ ବାଳକ ବାଳିକା ବର୍ଗରେ ରନର୍ସ ଅଫ୍ ହେବାର ଗୌରବ ହାସଲ କରିଛନ୍ତି l ସୁନ୍ଦରଗଡ ଜିଲ୍ଲାରୁ ମୋଟ ୯ ଜଣ ଦକ୍ଷ ଖେଳ ପରିଚାଳକ ଯାଇ ଥିବା ବେଳେ ୫ ଜଣିଆ ମ୍ୟାନେଜର ଦଳ ସହିତ ୨୫ ଜଣ ବାଳକ ବାଳିକା (୧୪ ଓ ୧୭) ବର୍ଷରୁ କମ୍ ଯୋଗ ଦେଇ ଥିଲେ l ଏହି ସଫଳତାକୁ ଜିଲ୍ଲା ଶିକ୍ଷା ଅଧିକାରୀ ଅମୂଲ୍ୟ କୁମାର ପଧାନ ପ୍ରଶଂସା କରିବା ସହିତ ସୁନ୍ଦରଗଡ ଜିଲ୍ଲା ଦୌଡକୁଡ ପ୍ରତିଯୋଗିତାରେ ପୂର୍ବ ଗୌରବକୁ ଫେରି ଆସିଛି ବୋଲି ମତ ଦେଇଛନ୍ତି l
