ଗୋଲାମୁଣ୍ଡା(ଅଶ୍ୱିନୀ ମଲ୍ଲିକ): କଳାହାଣ୍ଡି ଜିଲ୍ଲା ଗୋଲାମୁଣ୍ଡାର ଯୁବକମାନଙ୍କ ଉଦ୍ୟମରେ ଶିବାଜୀ ଷ୍ଟାଡିୟମରେ ଗ୍ରାମାଞ୍ଚଳ କ୍ରିକେଟ ଟୁର୍ନାମେଣ୍ଟ ଆୟୋଜିତ ହୋଇଥିଲା l ଏହି ଟୁର୍ନାମେଣ୍ଟରେ ମୋଟ ୮ ଗୋଟି ଦଳ ଅଂଶ ଗ୍ରହଣ କରିଥିବା ବେଳେ ଗତ କାଲି ଉଦଯାପିତ ହୋଇ ଯାଇଛି l ଫାଇନାଲ ମ୍ୟାଚ ଗ୍ରୀଣ୍ଡୋଲ ଓ ଉଦେସୁରଙ୍ଗ ମଧ୍ୟରେ ଖେଳା ଯାଇଥିଲା l ଗ୍ରୀଣ୍ଡୋଲ ଉଦେସୁରୁଙ୍ଗକୁ ପରାସ୍ତ କରି ବିଜୟୀ ହୋଇଥିଲେ l ଖେଳ ପରିଚାଳନା କରିବା ପାଇଁ ଅମ୍ପୟାର ଭାବେ ଚୁଲମଣି ଶବର ଓ ରାଜେଶ ଖରସେଲକୁ ନିଯୁକ୍ତ କରାଯାଇବା ବେଳେ ମୁଖ୍ୟ ଅତିଥି ଭାବେ କିଶୋର ଚନ୍ଦ୍ର ନାଏକ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିବା ସହ ବିଜୟୀ ଦଳକୁ ଟ୍ରଫି ପ୍ରଦାନ କରିଥିଲେ l ସେହିପରି ସମ୍ମାନିତ ଅତିଥି ଭାବେ ସନ୍ଦୀପ ଅଗ୍ରୱାଲ ଯୋଗ ଦେଇଥିଲେ l କ୍ରିକେଟ କମିଟିର ସଦସ୍ୟ ପୀତସ ସିପକା, ସମୀର ସିପକା, ତନ୍ମୟ ସିପକା, ଅମିତ ରାଉତ, ଲଲାଟେନ୍ଦୁ ରାଉତ, ରୁନା ମଙ୍ଗରାଜ, ଅକ୍ଷୟ ମଙ୍ଗରାଜ ଡିଜେ ପ୍ରମୁଖ ଉପସ୍ଥିତ ରହିଥିଲେ l
