ଭଞ୍ଜନଗର(ନିଲୁ ବିଷୋୟୀ): ଭଞ୍ଜନଗର ଥାନା ଅଧୀନ କଳିଙ୍ଗା ଘାଟି ପାଦ ଦେଶରେ ଥିବା ଦୁର୍ଗାପ୍ରସାଦ ନିକଟରେ ରବିବାର ଅପରାହ୍ନରେ ଦୁଇଟି ମାଲବାହୀ ଟ୍ରକ ଓ ଏକ କାର୍ ଦୁର୍ଘଟଣାଗସ୍ତ ହୋଇଛି । ଏଥିରେ କାରରେ ବସିଥିବା ଜଣେ ଆହତ ହୋଇଥିବା ବେଳେ ଅନ୍ୟ କାହାରି କିଛି କ୍ଷତି ହୋଇନଥିବା ଜଣାପଡିଛି । ସୂଚନା ଅନୁଯାୟୀ, ଲାଞ୍ଜିଗଡରୁ ଆସ୍ ଗୁଣ୍ଡ ନେଇ ସୋରଡ଼ା ଅଭିମୁଖେ ଦୁଇଟି ଟ୍ରକ ଆସୁଥିଲ । ଘାଟି ଓହ୍ଲାଇବା ପରେ ଦୁର୍ଗାପ୍ରସାଦ ନିକଟରେ ପଛ ଟ୍ରକର ବ୍ରେକ୍ ଫେଲ୍ ହେବାରୁ ସାମ୍ନା ଟ୍ରକ ସହ ଧକ୍କା ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ଏହି ସମୟରେ ଟ୍ରକ ନିକଟରେ ଥିବା କାର୍ ସହ ମଧ୍ୟ ଧକ୍କା ହୋଇଥିଲା । ଫଳରେ କାରରେ ଥିବା ନୟାଗଡ ଜିଲ୍ଲା ହୀରାଦେଇପୁର ଗ୍ରାମର କୃପାସିନ୍ଧୁ ପାଣି(୪୫) ଆହତ ହୋଇଥିଲେ । ସୌଭାଗ୍ୟ ବଶତ ଟ୍ରକ ଚାଳକଙ୍କ କୌଣସି କ୍ଷତି ଘଟିନଥିବା ଜଣାପଡିଛି । ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗସ୍ତ ଗାଡିକୁ ରାସ୍ତାରୁ ବାହାର କରି ତଦନ୍ତ ଆରମ୍ଭ କରିଛି ।
