ଅନୁସନ୍ଧାନ ଭାରତ(ବ୍ୟୁର): ଗୁରୁବାର ସକାଳୁ ଏକ ଥଣ୍ଡା ପାନୀୟ ବୋଝେଇ ଟ୍ରକ ଟି କଳିଙ୍ଗା ଘାଟିରେ ବ୍ରେକ ଫେଲ ହୋଇ ଦୁର୍ଘଟଣା ଗ୍ରସ୍ତ ହୋଇଅଛି I ଯାହା ଫଳରେ ଡ୍ରାଇଭର ସୋନୁ ବିଶ୍ୱକର୍ମା (୨୮) ଟ୍ରକ ଟିରେ ଚାପି ହୋଇ ରହିଯାଇ ଥିବା ବେଳେ ତାଙ୍କ ଭାଇ ଦୀପକ ବିଶ୍ୱକର୍ମା (୨୪) ସାମାନ୍ୟ ଆହତ ହୋଇଛନ୍ତି I ଟ୍ରକ ନମ୍ବର MP-04 GA 3742 ମଧ୍ୟପ୍ରଦେଶର ଭୋପାଲ ଠାରୁ ଥଣ୍ଡା ପାନୀୟ ଧରି ବ୍ରହ୍ମପୁର ଅଭିମୁଖେ ଯାଉଥିଲା I କଳିଙ୍ଗା ଘାଟିରେ ବ୍ରେକ ଫେଲ ହୋଇଯିବାରୁ ଏଭଳି ଅଭାବନୀୟ ଦୁର୍ଘଟଣା ଘଟିଥିବା ହେଲପର ଦୀପକ ବିଶ୍ୱକର୍ମା କହିଛନ୍ତି I ଖବର ପାଇ ଦୁର୍ଘଟଣା ସ୍ଥଳରେ ଘୁ.ଉଦୟଗିରି ଥାନା ଅଧିକାରୀ ଅଜୟ କୁମାର ସ୍ୱାଇଁ, ଏସ.ଆଇ ବିନୟ ମହାରଣା, ଅନନ୍ତ କୁମାର ପ୍ରଧାନ, ବୁଲୁ ବେହେରା, ଅଗ୍ନୀଶମ ଅଧିକାରୀ ମନୋରଞ୍ଜନ ପାଢ଼ୀ, ଅଗ୍ନିଶମ ବାହିନୀ, ୧୦୮ ଆମ୍ବୁଲାନ୍ସ ଏବଂ ସ୍ଥାନୀୟ ଅଞ୍ଚଳ ବାସୀ ଦୁର୍ଘଟଣା ସ୍ଥଳରେ ପହଞ୍ଚି ଡ୍ରାଇଭରଙ୍କ ଉଦ୍ଧାର କାର୍ଯ୍ୟ ଜାରି ରଖିଛନ୍ତି I ପ୍ରକାଶ ଥାଉ କି ଠିକ ସେହି ସ୍ଥାନରେ ଆଉ ଏକ AP -21-TF 2502 ନମ୍ବର ବିଶିଷ୍ଟ ଟ୍ରକ ର ମଧ୍ୟ ଗତ କାଲି ଦୁର୍ଘଟଣାଗ୍ରସ୍ତ ହୋଇଛି I
