ରା.ଉଦୟଗିରି(ମିହିର ପ୍ରସାଦ ମାଳୀ): ଗଜପତି ଜ଼ିଲ୍ଲା ମୋହନା ଥାନା ଶୁଖିଲା ଆମ୍ବ ଛକରେ ଏକ ପିକ ଅପ୍ ଭ୍ୟାନ୍ ଏବଂ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବା ଫଳରେ ଘଟଣା ସ୍ଥଳରେ ବାଇକ ଚାଳକଙ୍କ ମୃତ୍ୟୁ ଘଟିଛି l ମୃତ ଯୁବକ ହେଲେ ଅଡବାର ସୁଜିତ ନାୟକ l ସେ ମୋହନା ହିଲ୍ ଟପ୍ ସ୍ନାତକ ମହାବିଦ୍ୟାଳୟ ଛାତ୍ର ଅଛନ୍ତି l ସୁଜିତ ଆଜି ଅପରାହ୍ନରେ କୌଣସି କାମରେ ବାଇକ ଯୋଗେ ମୋହନା ଆସିଥିଲେ l ତେବେ ଅପରାହ୍ନ ପ୍ରାୟ ୩ ଟାରେ ଅଡବା ଫେରୁଥିବା ବେଳେ ଶୁଖିଲାଆମ୍ବ ଛକରେ ବିପରୀତ ଦିଗରୁ ଆସୁଥିବା ଭ୍ୟାନ ସହ ମୁହାଁ ମୁହିଁ ଧକ୍କା ହୋଇଥିଲା l ଫଳରେ ଘଟଣା ସ୍ଥଳରେ ହିଁ ସୁଜିତଙ୍କ ମୃତ୍ୟୁ ଘଟିଛି l ଘଟଣା ପରେ ପିକ୍ ଅପ୍ ଭ୍ୟାନ୍ ଚାଳକ ଘଟଣା ସ୍ଥଳରୁ ଫେରାର ହୋଇଯାଇଛି l ସେପଟେ ରାସ୍ତାରେ ଶବ ରଖି କ୍ଷତି ପୂରଣ ଦାବି ରେ ଉତ୍ୟକ୍ତ ଲୋକେ ବ୍ରହ୍ମପୁର -ରାୟଗଡାକୁ ସଂଯୋଗ କରୁଥିବା ୩୨୬ ନଂ ଜାତୀୟ ରାଜପଥ ଅବରୋଧ କରିଛନ୍ତି l ଫଳରେ ଏହି ରାସ୍ତାଦେଇ ଯାତାୟତ ଠପ୍ ହୋଇପଡିଛି l ମୋହନା , ଅଡବା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛନ୍ତି l ମୃତକଙ୍କ ପରିବାରକୁ ଆର୍ଥିକ ସହାୟତା ପ୍ରଦାନ ପାଇଁ ପ୍ରତିଶୃତି ଦେବାପରେ ସନ୍ଧ୍ୟା ୭ ଟା ପରେ ରାସ୍ତା ରୋକ ହଟିଥିଲା l
