ନୂଆପଡା(ବିରବଲ ପ୍ରଧାନ): ନୂଆପଡା ଜିଲ୍ଲାର ନୂତନ ଜିଲ୍ଲାପାଳ ଭାବେ ମଧୁସୂଦନ ଦାଶ ଆଜି ଯୋଗଦାନ କରି ଦାୟିତ୍ଵ ଗ୍ରହଣ କରିଛନ୍ତି l ଜିଲ୍ଲାପ୍ରଶାସନ ପକ୍ଷରୁ ପୁଷ୍ପଗୁଚ୍ଛ ଦେଇ ସ୍ବାଗତ କଲା ପରେ ଅତିରିକ୍ତ ଜିଲ୍ଲାପାଳ ସୁବାଷ ଚନ୍ଦ୍ର ରଇତଙ୍କ ଠାରୁ ଦାୟିତ୍ବ ଗ୍ରହଣ କରିଥିଲେ l ଏହାପରେ ଅଧୂକାରୀଙ୍କ ସହ ସରକାରଙ୍କ ଘର ଘର ତ୍ରିରଙ୍ଗା କାର୍ଯ୍ୟକ୍ରମର ସମୀକ୍ଷା କରିବା ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଯାଇ ଗୋଟି ଗୋଟି କରି ସମସ୍ତ ବିଭାଗ ପରିଦର୍ଶନ କରିବା ସହ ମୁଖ୍ୟ ଚିକିତ୍ସା ଅଧୂକାରୀ ସହ ବିଭିନ୍ନ ସମସ୍ୟା ସମ୍ପର୍କ ରେ ପଚାରି ବୁଝିଥିଲେ l ଏଥି ସହ ଚିକିତ୍ସା ପାଇଁ ଭର୍ତ୍ତି ହୋଇଥିବା ରୋଗୀ ଓ ପରିଜନଙ୍କୁ ପୃଥକ ପୃଥକ ଭାବେ ସାକ୍ଷାତ କରି ସରକାରଙ୍କ ପକ୍ଷରୁ ଦିଆ ଯାଉଥିବା ସ୍ବାସ୍ଥ୍ୟ ସୁବିଧା ସମ୍ପର୍କରେ ପଚାରି ବୁଝି ଥିଲେ l
