ଅନୁସନ୍ଧାନ ଭାରତ(ବ୍ୟୁର): ସ୍ଥାନୀୟ ଲାଲସିଙ୍ଗ୍ ସ୍ଥାୟୀ ଚାରା ଉତ୍ପାଦନ କେନ୍ଦ୍ର ପ୍ରଶିକ୍ଷଣ ପ୍ରକୋଷ୍ଠରେ ଉତ୍ତର ଘୁମୁସର ବନଖଣ୍ଡ ଅଧିକାରୀ ଶ୍ରୀ ହିମାଂଶୁ ଶେଖର ମହାନ୍ତିଙ୍କ ପୌରହିତ୍ୟରେ କେନ୍ଦ୍ରୀୟ ବନାଞ୍ଚଳ ଅଧିକାରୀ କୁମର ବେହେରାଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ ସହ ନୂତନ ରେଞ୍ଜର ଭାବେ ପୃଥିବିରାଜ ପ୍ରଧାନଙ୍କୁ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି । ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟ, ସହକାରୀ ବନ ସଂରକ୍ଷକ ରଜତ କୁମାର ମିଶ୍ର, ଅବସର ପ୍ରାପ୍ତ ବନାଞ୍ଚଳ ଅଧିକାରୀ ଅନୁପମ ବାନାର୍ଜୀ, ପ୍ରଶାନ୍ତ କୁମାର ସାହୁ, ଅଶୋକ ହୋତା, ବୈରାଗୀ ବେହେରା, ମୁଜାଗଡ଼ ବନାଞ୍ଚଳ ଅଧିକାରୀ ବିମ୍ବାଧର ସାହୁ, ଜଗନ୍ନାଥପ୍ରସାଦ ବନାଞ୍ଚଳ ଅଧିକାରିଣୀ ସୁଜାତାରାଣୀ ପଣ୍ଡା, ପ୍ରାକ୍ତନ ଅଧକ୍ଷ କୃତିବାସ ବିଶ୍ବାଳ, ପୂର୍ଣଚନ୍ଦ୍ର ତ୍ରିପାଠୀ, ଉପ ବନାଞ୍ଚଳ ଅଧୁକାରୀ ପ୍ରଶାନ୍ତ କୁମାର ବେହେରା ସମେତ ଉତ୍ତର ଘୁମୁସର ବନଖଣ୍ଡର ସମସ୍ତ କର୍ମଚାରୀ, ବନପାଳ ବନରକ୍ଷୀ, ପ୍ରକଳ୍ପ କର୍ମଚାରୀ ଉପସ୍ଥିତି ରହି ସ୍ୱାଗତ ସମ୍ବର୍ଦ୍ଧନା ପ୍ରଦାନ କରିଥିଲେ । ମଞ୍ଚାସୀନ ଅତିଥି ବିଦାୟୀ ଅଧିକାରୀଙ୍କ କାର୍ଯ୍ୟଦକ୍ଷତାର ଭୂୟସୀ ପ୍ରଶଂସା କରିଥିଲେ ଏବଂ ନୂତନ ବନାଞ୍ଚଳ ଅଧିକାରୀଙ୍କ ଯୁବ ପ୍ରତିଭାକୁ ଭବିଷ୍ୟତ କାର୍ଯ୍ୟଧାରାକୁ ତରାନ୍ବିତ କରିବାପାଇଁ ଶୁଭେଚ୍ଛା ଜଣାଇଥିଲେ । କାର୍ଯ୍ୟକ୍ରମକୁ ଓଡ଼ିଶା ବନାଞ୍ଚଳ ଉନ୍ନୟନ ପ୍ରକଳ୍ପ-୨ର ସଂଯୋଜକ ସନ୍ତୋଷ କୁମାର ଡ଼ାକୁଆ ସଂଯୋଜନା କରିଥିବା ବେଳେ ଅନୁପମ ବାନାର୍ଜୀ ଧନ୍ୟବାଦ ଅର୍ପଣ କରିଥିଲେ ।
