ଅନୁସନ୍ଧାନ ଭାରତ(ବ୍ୟୁର): ଏଥର ଗୁଣପୁରର ଦ୍ବାଦଶ ରାଜ୍ୟ ସ୍ତରୀୟ ବଂଶଧାରା ବସନ୍ତ ମହୋତ୍ସବ ସ୍ଥାନୀୟ ବାଘୁଆ ମନ୍ଦିର ପଛପଟ ପଡିଆରେ ହବ ବୋଲି ଆଜି ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଛି । କାନ୍ଯାକା ପରେମେଶ୍ବରୀ ମନ୍ଦିର ପରିସରରେ ସଭାପତି ଅକ୍ଷୟ ଦାସଙ୍କ ସଭାପତିତ୍ବରେ ଅନୁଷ୍ଠିତ ବୈଠକରେ ଗତବର୍ଷ ଉତ୍ସବ ହୋଇଥିବା ବଳରାମ ନଗର ସ୍ଥିତ ସରକାରୀ ପଡିଆ, ପୁରୁଣା ଗୁଣପୁରରେ ଥିବା ରାଜୀବ ଗାନ୍ଧୀ ପଡିଆ ଓ ବାଘୁଆ ମନ୍ଦିର ପଛ ପଟେ ବଂଶଧାରା ହିଡକୁ ଲାଗିକରି ଥିବା ପଡିଆ ସମ୍ପର୍କରେ ଆଲୋଚନା ହୋଇଥିଲା । ଉତ୍ସବରେ ହେଉଥିବା ଜନ ଗହଳି, ଟ୍ରାଫିକ୍, ପାର୍କିଂ ଓ ଲୋକଙ୍କ ସୁବିଧାକୁ ଦୃଷ୍ଟିରେ ରଖି କେଉଁ ପଡିଆ ହେଲ ଭଲହବ ସେନେଇ ସଦଶ୍ଯମାନଙ୍କ ମତାମତ ଲୋଡା ଯାଇଥିଲା । ଶେଷରେ ପଡିଆକୁ ଯାଇ ଉପଯୁକ୍ତ ସ୍ଥାନ ଦେଖିବା ପରେ ବାଘୁଆ ମନ୍ଦିର ପଛପଟ ପଡିଆ ପାଇଁ ଚୁଡାନ୍ତ ନିଷ୍ପତ୍ତି ନିଆଯାଇଛି । ଏହି ପଡିଆକୁ ପୁରୁଣା ବ୍ଲକ ଅଫିସ ଦେଇ ଗୋଟିଏ ରାସ୍ତା ଥିବାବେଳେ ରୁକୁଣୀ ହୋଟେଲ ଦେଇ ଓ ବାଘୁଆ ମନ୍ଦିର ଦେଇ ଦୂଇଟି ରାସ୍ତା ରହିଛି । ଅନେକ ଶାଖା ରାସ୍ତା ମଧ୍ୟ ଅଛି । ଏଣୁ ଉକ୍ତ ପଡିଆ ହିଁ ସବୁ ଦୃଷ୍ଟିରୁ ଭଲ ହେବା ନେଇ ଅନେକ ଶଦସ୍ୟ ମତ ରଖିଥିଲେ । ଏହି ବୈଠକରେ କାର୍ଯ୍ଯକାରୀ ସଭାପତି ଏସ. ବାବା ପ୍ରଶାଦ, ପୌର ଉପାଧ୍ୟକ୍ଷ ଶିବ ପ୍ରଶାଦ ଗୌଡ, ବରିଷ୍ଠ ସଦଶ୍ଯ ଲାଡି ଗୋପାଳରାଓ, ଉମା ଚରଣ ପଟ୍ଟନାୟକ, ଭାଗିରଥି ବିଶ୍ବୋୟୀ, କୈଳାସ ଦାସଙ୍କ ସମେତ, ଉମା ଦାସ, ରାଜେଶ ପାଢି, ରାମ ପଣ୍ଡା, ପ୍ରମୋଦ ଦାସ, ପ୍ରଦୀପ ପାଢି, ଲକ୍ଷ୍ମୀ ମହାଙ୍କୁଡ, ମୀନକେତନ ନାଗ୍, ବିମଳ ମିଶ୍ର, ରମେଶ ମିଶ୍ର, ସପନ ଦାସ, ଶିବ ପାଢି, ଅଜିତ ପଣ୍ଡା, ମୁନା ପାଢି, ପ୍ରଶାନ୍ତ ମିଶ୍ର, ପ୍ରଶାନ୍ତ ସଡଙ୍ଗି ପ୍ରମୁଖ ଉପସ୍ଥିତ ଥିଲେ ।
