ଅନୁସନ୍ଧାନ ଭାରତ(ବ୍ୟୁର): ଶୋକୋକାଇ ସିଟୋରିଓ କରାଟେ ଜାତୀୟ ଚିପ୍ ଟେକନିକାଲ ଡ଼ାଇରେକ୍ଟର ତଥା ଉତ୍କଳ କରାଟେ ସ୍କୁଲ ଫାଉଣ୍ଡର ସେଭେନ ଡନ୍ ବ୍ଲାକ ବେଲ୍ଟ ହନସୀ ଡ଼. ହରି ପ୍ରସାଦ ପଟନାୟକଙ୍କ ଅନୁମୋଦନ କ୍ରମେ କଳାହାଣ୍ଡି ଜିଲ୍ଲା ଉତ୍କଳ କରାଟେ ସ୍କୁଲ ଲାଞ୍ଜିଗଡ ଶାଖା ତଥା ଲାଞ୍ଜିଗଡ ଉତ୍କଳ କରାଟେ ସ୍କୁଲ ସମ୍ପାଦକ ସେକେଣ୍ଡ ଡନ୍ ବ୍ଲାକ ବେଲ୍ଟ ସେନପାଇ କ୍ଷମାନିଧି ମହାଖୁଡଙ୍କ ନେତୃତ୍ୱରେ ଲାଞ୍ଜିଗଡ ଏସଏସଡି ସ୍କୁଲ ଠାରେ କରାଟେ କଲର ବେଲ୍ଟ ପରୀକ୍ଷା ହୋଇଥିଲା । ଏଥିରେ ୩୪ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଭାଗ ନେଇଥିଲେ । ସେମାନଙ୍କୁ ଆତ୍ମରକ୍ଷା କୌଶଳ ଶିଖାଇବା ସହ ଶାରିରୀକ ଦକ୍ଷତା କିପରି ବଢ଼ାଇବା ଓ ନିଜକୁ ଏବଂ ଅନ୍ୟକୁ କିପରି ଶତ୍ରୁ କବଳରୁ କିପରି ସୁରକ୍ଷା ଦେଇ ପାରିବେ ଏହାକୁ ନେଇ ସେନପାଇ ଶ୍ରୀ ମହାଖୁଡ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦେବା ସହ ଆଜି ସେମାନଙ୍କ ବେଲ୍ଟ ପରୀକ୍ଷା କରାଇଥିଲେ ।ସେମାନଙ୍କ ମଧ୍ୟରୁ ୟେଲୋ ବେଲ୍ଟ ପରୀକ୍ଷାରେ ଅର୍ଶିକା ପାଣ୍ଡେ, ବିଶ୍ୱଜିତ ବେହେରା, ଅଭିଲିପ୍ସା ପଲେଇ, ସୋୟମ ଓଡିଆ, ମୋହିତ ବେମାଲ, ପୁଷ୍ପେନ୍ଦୁ ବିଶ୍ୱାଳ, ଶିବାନଶୀ ମିଶ୍ର, ସୋର୍ଣିମା ମହାପାତ୍ର,ହେମନ୍ତ ମଲ୍ଲିକ, ଦିବ୍ୟାନଶୁ ଯୋଶୀ, ସିଏଚ ସାଇ ସ୍ୱାଶତ ପାଇଥିବା ବେଳେ ଅରେଞ୍ଜ ବେଲ୍ଟ ପରୀକ୍ଷାରେ କାବ୍ୟଶ୍ରୀ ମହାପାତ୍ର, ଆରଧ୍ୟା ଆରଧନା, ଅଭନିଷ କୁମାର ସାହୁ, ରିୟାନ ମିଶ୍ର, ଲୋକେଶ ବିଶ୍ୱାଳ, ଗଙ୍ଗାଧର ମଲ୍ଲିକ ପାଇଥିଲେ । ସେହିଭଳି ଗ୍ରୀନ୍ ବେଲ୍ଟ ପରୀକ୍ଷାରେ ସୋନକ ସମଦର୍ଶୀ ସାହୁ, ଆୟୁଷ ଦୁବେ, ଆର୍ଶୀବାଦ ବାଡ଼ତିଆ, ଅର୍ପିତା ବାଡ଼ତିଆ,ଆଦ୍ୟାସା ପ୍ରିୟଦର୍ଶୀ ଦାସ,ରୋଜାଲିନୀ ଲେଙ୍କା ଓ ରାଜେଶ ମାଝୀ ପାଇଥିଲେ । ସେହିପରି ବ୍ରାଉନ୍ ବେଲ୍ଟ ପାଇଁ ରବୀନ୍ଦ୍ର ବେନାଲ ଓ ରଞ୍ଜିତ ହରିଜନ ଉତ୍ତୀର୍ଣ୍ଣ ହୋଇଥିଲେ ।ସେନସାଇ ସୁରେଶ ଜାଲ ଯାଦବ ୫ଡନ୍ ବ୍ଲାକ ବେଲ୍ଟ ତଥା ଜାତୀୟ କିଓ ରେଫରି ଓ ଜର୍ଜ ଏହି ପରୀକ୍ଷା ପରିଚାଳନା କରିଥିବା ବେଳେ ପରୀକ୍ଷାରେ ଉତ୍ତୀର୍ଣ୍ଣ ଛାତ୍ରଛାତ୍ରୀଙ୍କୁ ବେଲ୍ଟ ଓ ପ୍ରମାଣ ପତ୍ର ପ୍ରଦାନ କରି କୃତଜ୍ଞତା ଜଣାଇବା ସହ ଆଗାମୀ ଦିନରେ ଛାତ୍ରଛାତ୍ରୀ ମାନେ କିପରି ନିଜକୁ ସୁରକ୍ଷିତ ଓ ସୁସ୍ଥ ରହିବା ସହ କରାଟେରେ ଜାତୀୟ ପ୍ରତିଯୋଗିତାରେ କିପରି ସ୍ୱର୍ଣ୍ଣ ପଦକ ହାସଲ କରି ଜିଲ୍ଲା ପାଇଁ ଗୌରବ ଆଣିବେ ତାହା ଉପରେ ବାର୍ତ୍ତା ଦେଇଥିଲେ ।
