ଧରାକୋଟ(ସୁନୀଲ କୁମାର ଚୌଧୁର: ଧରାକୋଟ କ୍ଲଷ୍ଟଟ ଅଧିନସ୍ଥ ବଡ଼ଦାଣ୍ଡ ସାହି ପ୍ରାଥମିକ ବିଦ୍ୟାଳୟରେ ପୋଷାକ ବିତରଣ ମେଳା ଅନୁଷ୍ଠିତ ହୋଇଯାଇଛି । ଏହି ଅବସରରେ ପ୍ରଧାନ ଶିକ୍ଷୟତ୍ରୀ ଜେ ସାକମ୍ବରି ଆଚାରିଙ୍କ ସଭାପତିତ୍ବରେ ଅନୁଷ୍ଠିତ ବୈଠକରେ ମୁଖ୍ୟ ଅତିଥି ଭାବରେ ସି.ଆର.ସି.ସି ଜଗନ୍ନାଥ ପଢ଼ିହାରି, ଏସ.ଏମ.ସି ସଭାପତି ମହେଶ୍ୱର ଗୌଡ଼, ବରିଷ୍ଠ ସାମ୍ବାଦିକ ହୃଦାନନ୍ଦ ଜେନା, ମା କୋଠରୀ ଏସ ହେଚ ଜି ଗ୍ରୁପ ସଭାପତି ଧରିତ୍ରୀ ଦାସ, ସଦସ୍ୟା ସଂତୋଷୀ ଦାସ, ଜ୍ୟୋସ୍ନା ଦଳେଇ ପ୍ରମୁଖ ଉପସ୍ଥିତ ରହିଥିଲେ । 48 ଜଣ ଛାତ୍ର ଛାତ୍ରୀଙ୍କୁ 2024 ବର୍ଷ ପାଇଁ ଦୁଇ ହଳ ଲେଖାଏଁ ପୋଷାକ ବିତରଣ କରାଯାଇଥିଲା । ନୂତନ ସିଆରସିସି ଜଗନ୍ନାଥ ପଢ଼ିହାରୀଙ୍କୁ ବିଦ୍ୟାଳୟ ତରଫରୁ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ସହକାରୀ ଶିକ୍ଷୟତ୍ରୀ ମିନତି ପତ୍ରୀ ଏଥିରେ ସହଯୋଗ ପ୍ରଦାନ କରିଥିଲେ । ସମ୍ପ୍ରତି ବଡ଼ଦାଣ୍ଡ ସାହି ବିଦ୍ୟାଳୟର ପଞ୍ଚମ ଶ୍ରେଣୀର ଛାତ୍ରୀ ସସ୍ମିତା ମିଶ୍ର ଜିଲ୍ଲା ସ୍ତରର ସୁରଭି ପାଇଁ ମନୋନୀତ ହୋଇଥିବାରୁ ତାଙ୍କୁ ଏହି ଅବସରରେ ବିଦ୍ୟାଳୟ ତରଫରୁ ପ୍ରଶଂସା କରାଯାଇଥିଲା ।
