କେନ୍ଦୁଝର(ଆର୍ତ୍ତତ୍ରାଣ ପାତ୍ର): କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘୋଷିପୁରା ଥାନା ଅନ୍ତର୍ଗତ ନିଆଳି ଝରଣ ଗାଁରେ ଗତ କାଲି ବିଳମ୍ବିତ ରାତିରେ ଏକ ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି । ଜଣେ ମହିଳାଙ୍କୁ ଘରୁ ଘୋଷାରି ଆଣି ହତ୍ୟା କରାଯାଇଛି l ମୃତ ମହିଳା ଜଣକ ହେଲେ ମୋହନ ହେମ୍ବ୍ରମଙ୍କ ପତ୍ନୀ ସାଲେକ୍ ହେମ୍ବ୍ରମ୍ । ଗତ ରାତି ଗାଁରେ ଯାତ୍ରା ବାବଦରେ ସାମୁହିକ ଭୋଜି ଖାଇବା ପାଇଁ ମୋହନ ହେମ୍ବ୍ରମ୍ ସମେତ ପରିବାର ଅନ୍ୟ ସଦସ୍ୟମାନେ ମଧ୍ୟ ଜାଇ ଥିବା ବେଳେ ଘରେ ସାଲେକ ଆଉ ତାଙ୍କ ଶାଶୂ ସୁମି ଘରେ ରହିଥିଲେ । ଏହି ସମୟରେ ଏକ ଅଚିହ୍ନା ବ୍ୟକ୍ତି ଘରେ ପଶି ଆସି ହଠାତ୍ ସାଲେକକୁ ହାଣ୍ଡିଆ କିଣି ଆଣିବାକୁ କହିଥିଲେ । ହେଲେ ସାଲେକ ହାଣ୍ଡିଆ ଆଣିବାକୁ ମନା କରିବାରୁ ଅଚିହ୍ନା ଲୋକଟି ରାଗିଯାଇ ସାଲେକର ଚୁଟି ଗୋଛା ଧରି ଘର ବାହାରକୁ ଘୋଷାରି ଆଣି ଘର ସାମ୍ନାରେ ହତ୍ୟା କରିଥିବା ଶାଶୂ ସୁମି କହୁଛନ୍ତି । ତେବେ ଏବାବଦରେ ପରିବାର କିମ୍ବା ମୃତକଙ୍କ ସ୍ଵାମୀ ପୁଲିସକୁ ଜଣାଇ ନ ଥିଲେ । ଖବର ପାଇ ମୃତକଙ୍କ ଭାଇ ଘନଶ୍ୟାମ ଖୁଦପଦା ଗାଁରୁ ଆସି ଘୋଷି ପୁରା ଥାନାରେ ଜଣାଇବାରୁ ଘୋଷିପୁରା ପୁଲିସ ଓ ଆନନ୍ଦପୁର ଏସଡିପିଓ ସାଙ୍ଗରେ ସାଇଣ୍ଟିଫିକ ଟିମ ନେଇ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ମୃତ ସାଲେକ ହେମ୍ବ୍ରମ୍ ହତ୍ୟା ତଦନ୍ତ ଆରମ୍ଭ କରିଛି ।