ଅନୁସନ୍ଧାନ ଭାରତ(ବ୍ୟୁର): ନିର୍ବାଚନ ବିଗୁଲ ବାଜିବା ପୂର୍ବରୁ ସମସ୍ତ ଦଳ ଗଡ଼ ଅକ୍ତିଆର କରିବାକୁ ସଜବାଜ ହେଇଥିବା ବେଳେ ତୁମୁଡିବନ୍ଧ ବ୍ଲକ କଂଗ୍ରେସ ମଧ୍ୟ ଏଥିରୁ ବାଦ ପଡ଼ିନାହିଁ l ଦୀର୍ଘବର୍ଷର କଂଗ୍ରେସ ଗଡ଼କୁ ଗତ କିଛିବର୍ଷ ଧରି ବିଜେଡି ନିଜ ଅକ୍ତିଆର କରିଥିବା ବେଳେ ବର୍ତମାନ କଂଗ୍ରେସ ସ୍ଥାନେ ସ୍ଥାନେ ମିଶ୍ରଣ ପର୍ବ ମୋଟର ସାଇକେଲ ସଭାଯାତ୍ରା ଏବଂ ସାଧାରଣ ସଭା କରି ବଳ ଗୋଟାଇ ନିଜ ଗଡ଼କୁ ପୁଣିଥରେ ଦଖଲ କରିବାକୁ ଅଣ୍ଟା ଭିଢୁଥିବା ଦେଖିବାକୁ ମିଳୁଛି l ଏହିଭଳି ପରିସ୍ଥିତିରେ ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ଯାତ୍ରା ଏବଂ କଂଗ୍ରେସ ଉପରେ ଆସ୍ଥାପ୍ରକଟ କରି ବିଜେଡିର ଟାଣୁଆ ନେତା ତଥା ପୂର୍ବତନ ସାଂସଦ ପ୍ରତିନିଧି ଶ୍ରୀ ଶ୍ୟାମ ସୁନ୍ଦର ବଡସେଟ, ତୁମୁଡିବନ୍ଧ ବ୍ଲକର ପୂର୍ବତନ ସରପଞ୍ଚ ଶ୍ରୀମତୀ ମୟନ୍ତୀ ପାଟମାଝି, ବରିଷ୍ଠ ବିଜେଡି ନେତା ଶ୍ରୀ ବଙ୍ଗାଳି ବଡ଼ସେଠ, ସୁର୍ଦ୍ଧା ପ୍ରଧାନ ଏବଂ ଆଶିଷ ନାୟକ ପ୍ରମୁଖ ଗତଦିନ ମାନଙ୍କରେ ଦଳରେ ଯୋଗ ଦେଇଥିଲେ l ଏହିଭଳି ପରିସ୍ଥିତିରେ ବ୍ଲକ କଂଗ୍ରେସ ସଭାପତି ଶ୍ରୀ ଗିରିଶ ପରାସେଠ୍, ପି.ସି.ସି ମେମ୍ବର ଶ୍ରୀ ରାମକୃଷ୍ଣ ପାଢ଼ୀଙ୍କ ନେତୃତ୍ୱରେ ଆଜି ଆଉ ଏକ ମହାମିଶ୍ରଣ ର ପର୍ବ କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ଠାରେ ଆୟୋଜନ କରାଯାଇଥିଲା l ଖାଲି ସେତିକି ନୁହେଁ ବିଶାଳ ମୋଟର ସାଇକେଲରେ ନେତା ଓ କର୍ମୀ ନଗର ପରିକ୍ରମଣ କରିଥିଲେ l ଉକ୍ତ ମିଶ୍ରଣ ପର୍ବରେ ତୁମୁଡିବନ୍ଧ ବ୍ଲକ ଏବଂ କୋଠଗଡ଼ ବ୍ଲକର ଶତାଧିକ ବିଜେଡି ଏବଂ ବିଜେପିର ନିର୍ବାଚିତ ପ୍ରତିନିଧି ଓ ପୂର୍ବ ଜନପ୍ରତିନିଧିମାନେ ନିଜ ଦଳରୁ ପ୍ରାଥମିକତା ପଦରୁ ଇସ୍ତଫା ଦେଇ ପୂର୍ବତନ ସାଂସଦ ନକୁଳ ନାୟକ ଏବଂ ଜିଲ୍ଲା ସଭାପତି ଅନାମ ନାୟକଙ୍କ ଉପସ୍ଥିତରେ କଂଗ୍ରେସରେ ସାମିଲ ହୋଇଥିବା ଦେଖିବାକୁ ମିଳିଛି l ଏହି ମହା ମିଶ୍ରଣ ପର୍ବ ଆଗାମୀ ନିର୍ବାଚନରେ ପ୍ରଭାବ ପକେଇବା ନେଇଁ ମଧ୍ୟ ଆକଳନ କରାଯାଉଛି l
