ଅନୁସନ୍ଧାନ ଭାରତ(ବ୍ୟୁର): ରାଜ୍ୟରେ ଶୀତର ଲହରୀ ଜାରୀ ରହିଛି I ଏହାର ପ୍ରଭାବରେ କନ୍ଧମାଳ ଜିଲ୍ଲାର ଘୁ.ଉଦୟଗିରି ସମେତ ବିଭିନ୍ନ ଅଞ୍ଚଳରେ ପ୍ରବଳ ଶୀତ ଅନୁଭୂତ ହେଉଛି I ଶୀତର ଲହରୀ ଆରମ୍ଭ ହେବା ମାତ୍ରକେ ଘୁ.ଉଦୟଗିରି ଠାରେ ଜିଲ୍ଲାର ସର୍ବାଧିକ ଜାଡ ଅନୁଭୂତ ହେଉଛି I ସନ୍ଧ୍ୟା ହେଲେ ଥଣ୍ଡାର ପ୍ରଭାବ ଯୋଗୁଁ ଘୁ.ଉଦୟଗିରି ସହର ଜନଶୁନ୍ୟ ହେଉଛି I ଅଞ୍ଚଳ ବାସୀ ସନ୍ଧ୍ୟା ହେଉଣୁ ଥଣ୍ଡାରୁ ରକ୍ଷା ପାଇବା ପାଇଁ ଟାଟିକବାଟ ପକାଇ ଘରେ ରହି ଗରମ ବସ୍ତ୍ର ଓ ନିଆଁର ସହାରା ନେଉ ଥିବାର ଦେଖା ଦେଇଛି I
ଘୁ.ଉଦୟଗିରି ସହରର ରାତ୍ରିର ତାପମାତ୍ରା ଆନୁମାନିକ ୫ ଡିଗ୍ରି ସେଣ୍ଟଗ୍ରେଟରୁ ତଳେ ରହୁଥିବା ବେଳେ ଦିନ ବେଳା ପାଖାପାଖି ୬ ରୁ୮ ସେଣ୍ଟିଗ୍ରେଟ ରହୁଥିବା ଅଞ୍ଚଳବାସୀ ଅନୁମାନ କରୁଥିବା କହିଛନ୍ତି I ପ୍ରବଳ ଥଣ୍ଡା ହେବା ଯୋଗୁଁ ଦେହ କାଲୁଆ ହେଉ ଥିବାର ଅଞ୍ଚଳ ବାସୀ କହିଛନ୍ତି I ଘୁ.ଉଦୟଗିରି ଠାରେ ତାପମାତ୍ରା ମାପକ ଯନ୍ତ୍ର ଥିଲେ ସୁଦ୍ଧା ସରକାରୀ ଭାବରେ ତାପମାତ୍ରା ପ୍ରକାଶ କରାଯାଉନ ଥିବାରୁ ପର୍ଯ୍ୟଟକଙ୍କ ପାଖରେ ସୂଚନା ପହଞ୍ଚି ପାରୁନାହିଁ I ଯାହା ପାଇଁ ଘୁ.ଉଦୟଗିରିର ସୁନ୍ଦର ଜଳବାୟୁ ଓ କାଲିଗାଡୁ, ସିର୍କୀ ଘାଇ, କଳିଙ୍ଗିଆ ଘାଟି ଏବଂ ବୋଟାନିକାଲ ଗାର୍ଡେନ, ମୁକୁଲିଙ୍ଗିଆ କଫି ବଗିଚା ଭଳିଆ ଅନେକ ପର୍ଯ୍ୟଟନ ସ୍ଥଳୀ ଗୁଡ଼ିକର ସୁନ୍ଦର ଦୃଶ୍ୟ ଉପଭୋଗ କରିବା ପାଇଁ ପର୍ଯ୍ୟଟକ ଆସୁ ନାହାନ୍ତି ଓ ଏହି ସ୍ଥାନ ଗୁଡ଼ିକର ବିକାଶ ପାଇଁ ପ୍ରଶାସନର ଦୃଷ୍ଟି ପଡୁନ ଥିବା ଅଞ୍ଚଳ ବାସୀ ମତ ପ୍ରକାଶ କରିଛନ୍ତି I ତେଣୁ ପ୍ରଶାସନ ଘୁ.ଉଦୟଗିରିର ସୁନ୍ଦର ପାଗ ଓ ପର୍ଯ୍ୟଟନ ସ୍ଥଳୀ ଗୁଡ଼ିକ ଲୋକାଲୋଚନକୁ ଆଣିବା ପାଇଁ ହେଲେ ତାପମାତ୍ରା ସର୍ବସାଧାରଣରେ ପ୍ରକାଶ କରିବା ସହ ଓ ପର୍ଯ୍ୟଟନ ସ୍ଥଳୀ ଗୁଡ଼ିକର ପ୍ରଚାର ପ୍ରସାର କରିବା ପାଇଁ ନିତାନ୍ତ ଆବଶ୍ୟକ ବୋଲି ଅଞ୍ଚଳ ବାସୀ ଦାବୀ କରିଛନ୍ତି I ଯାହା ଫଳରେ ଘୁ.ଉଦୟଗିରି ସହରକୁ ପର୍ଯ୍ୟଟକଙ୍କ ଆଗମନ ହେବା ସାଙ୍ଗକୁ ଅଞ୍ଚଳ ବାସୀଙ୍କ ଆର୍ଥିକ ସମସ୍ୟା ଦୂର ହେବ ବୋଲି ଘୁ.ଉଦୟଗିରି ବାସୀ ମତପ୍ରକାଶ କରିଛନ୍ତି I ସୂଚନା ଅନୁସାରେ ଘୁ.ଉଦୟଗିରି ବ୍ଲକ ଜିଲ୍ଲାର ସବୁଠାରୁ ଥଣ୍ଡା ଅଞ୍ଚଳ I ଦିନକୁ ଦିନ ଘୁ. ଉଦୟଗିରିରେ ପାରଦ ତଳକୁ ତଳକୁ ଖସୁ ଥିବାର ଦେଖା ଦେଇଛି I
