ମମତା ମହାନ୍ତ ଯିବେ ରାଜ୍ୟସଭା

ଭୁବନେଶ୍ୱର : ରାଜ୍ୟସଭା ଯିବେ ମମତା ମହାନ୍ତ  । ବିଜେପି ତାଙ୍କୁ ରାଜ୍ୟସଭା ପାଇଁ ପ୍ରାର୍ଥୀ କରିଛି  । ଆସନ୍ତାକାଲି ସେ ବିଧାନସଭାରେ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ, ମନ୍ତ୍ରୀ ଓ ବିଧାୟକମାନଙ୍କ ଗହଣରେ ରାଜ୍ୟସଭା ପ୍ରାର୍ଥୀ ପାଇଁ ନାମାଙ୍କନ ପତ୍ର ଦାଖଲ କରିବେ  । ବିଜେଡ଼ି ଓ ରାଜ୍ୟସଭା ପଦରୁ ଇସ୍ତଫା ଦେଇ ମମତା ବେଶ୍‌ ଚର୍ଚ୍ଚାରେ ରହିଥିଲେ  ।
ରାଜ୍ୟସଭା ରେସରେ ବିଜେପିର ଅନେକ ନେତା ଥିବାବେଳେ ଶେଷରେ ମମତାଙ୍କୁ ହିଁ ଦଳ ବାଛିଛି  । ଫଳରେ ଏହି ମଉକାରେ ରାଜ୍ୟସଭା ଯିବାକୁ ଚାହୁଁଥିବା ଅନେକ ବରିଷ୍ଠ ନେତାଙ୍କୁ ନିରାଶ ହେବାକୁ ପଡ଼ିଛି  ।